هوارة
قال شباكهم على الغرب لا يزماني لالا
وما أطيب نسومو نايم حبيب العمر ومطول بنومو
يا عين ياعين يا عين
أنا لطلع لراس الجبل لا يزماني لالا
وعاتبهم مرة عشق المجوز حلو ولو كان على ضرة
انا لطلع على راس الجبل لا يزماني لالا
وعاتبهم مرتين عشق المجوز حلو ولو كان على تنتين
انا ادخل سرايا حلب لا يزماني لا لا
واقعد جنب الباب ويلي مايحب النساء ياعمي كذاب ابن كذاب لاه لاه لاه يااااااااعيييييييين
شفت الحلوة علدورة توقف تكسي لتركب
بعدا بنت صغيورة بتسوسح عقل الشباب
جبينها مثل البلورة مثل البدر بالحجاب
شنت على الجيش ثورة تمحي العسكر والتوام
هزت على الأرض غصونا نجوم السما بتتكهرب
نزورت للبدر زورا البدر بينزل على التراب
شكت بالأرض حورا تطعم تفاح وعناب
لبست أجمل تنورة شبر من فوق الركاب
وبسحاب التنورة و ليش الفتحة من ورا
هور يابو الهوارة يادينا بويا الهوراة
لمن شدو على الرحيل حطو بقلبي نارا
هوارة يانور العين والأصل اللبنانية
حبيتك بنت يومين وربيتك على إيدي
القلب مابصير تنين لبنية لغير البنية
ولبدو يهوا تنتين بكل شقة يحط مرية
بتصفي العيشة بالدين بتكتر المطالب جية
راسو مايبقي غرامين من العقل وانسانية
الانبلينص ليبضوين يشيلو على العصفورية
وعلى غيابو بصفو البيتين مافيهم ولا مرة
هور يابو الهوارة . . . . .
الحلوة يلي قامت بكير وقفت على مرايتها
تسوي لشعرا كوافير بعينا تنهدس كحلتها
سويت قهوة مرة كتير غليتها وهيلتها
بإيدا جوز سنانير عم تحيك كنزتها
نزلت كزورة على البير البير بقلب جنينتها
بإيدها جوز سنانير عم تحيك كنزتها
السنارة وقعت بالبير الأطرش سامع رنتها
الأعمى قال خرما كبير الأخرس سب ديانتها
صار بدنا وحكمة وتبصير حتى نجيب السنارة
هور يابو الهوارة . . . . .
البنت يلي بتجهل بكير بيبقى الجهل عاميها
بتصير تلبس على القصير تقصر أكتر مافيها
أبوها رجال كبير مش قادران يربيها
أخوها قاعد أجير مش عم يدرا فيها
هية بتسوي مشاوير بالضيعة يلي هيه فيها
من بيت البيت تدور على الشب لي بيرضيها
كان غني ولا فقير ومافي ليرة يعطيها
المهم مصور تصوير بيكسيها وبطعميها
عواقب مابتقدر ودرب الأم وين بوديها
هون الحالة والتعتير روس العيلة بتوطيها
البنت الجهلانة بتصير دوور على الشب دوارا
هور يابو الهوارة . . . . .
بنت لي بيا فقير بجيبوا مابيحوا ملين
بتعمل حالها بنت المير ناس بتعرف بنت مين
بتجهل بكير وبتصير تلبس من أغلا فساتين
مامعها قرش توفير ايما وبيا عريانين
لشعرا بدها كوافير وعطر وريحة شغل الصين
شمسية وبرنيطة حرير وبكتفا تحط جزادين
بدها حمرا ومانكير وكحلة وبودرة وبرينطين
بدا تكسي مع شوفير بدا 600 وسالولير
تياخدوها على البسين
وبدا تعمل بنت المير وبدا تألف وزارة
هور يابو الهوارة . . . . .
البنت الي نزلت على القداس تنقي شب وتتكلل
لما شافها خوري الياس بطل قداسو يكمل
صفا مثل الشارب الكاس صار يروح يمين وشمال
قالن شو هيدا يا ناس وين كان مخبى هالمال
شعرها أشقر وملس من فوق كتافا مجدل
انفا إذا تنفس بالأرض بيعمل زلزال
لسانا إذا بيتحدس بيتحدس حديث رجال
ريقا خمرا بقلب الكاس وأطيب من عرق الشلال
دقنا فنجان الالماس معبى بن مخلط هال
عنقا شمعة للقداس بتشابه عنق الغزال
بطنا حرير الأطلس ماشافو بعينو الدلال
بطاة اجرا الأساس عليها جسم بيتنقل
قدمها على الصخر انداس تحت الصخر يصفي رمال
أنا يلي وصفتا يا ناس بدون علاج بدون جدال
اجريها لشعر الراس سبحان ربي لصورا
هور يابو الهوارة . . . . .
الأحد سبتمبر 12, 2010 1:07 pm
